Oabeka

S'Oabeka (oda a Aiabeka, Oaduschn, Oierhiartn, Aiadupfn, Ostereiertitschen, usw.) is a Brauch den ma zu Osdan mocht und dea bsondas in Bayern und Estareich fabrait is, owa a in da Deitschschwaiz, im Rheinlaund und a in Ostairopa bis aini noch Ruslaund. In da kristlichn Fosdnzeid foa Osdan, oiso fum Oschamidwoch bis zan Osdasondog, iss eigentli ned ealaubt, das ma Oa ist. Dafia wean am Osdasondog und in de Dag drauf um so meara Oa gessn. Und mid soichane Osdaoa, de hoat kocht woan san und maisdns gfabt, oda sogoa kunstfoi augmoind, duad ma daun Oabeka, befoa mas ist. Dabai muas da oane mid da schbizn Seitn fu seim Oa (in Schbiz) auf de breadane Seitn (in Oasch) fum Oa fum aundan drauf haund und dauno umkead. Wem sei Oa zeascht hii fiad, hod faloan. De genaun Rögin, de bain Oabeka gödn, han owa fu Region zu Region a weng faschidn.